HAI-TAO KAIZENLoha-hevitra roa lehibe (anatin’ireo am-polony maro) no hofintinina ato amin’ny tranonkala, mba ahafantaranatsika ireo teboka voalohany tsara ho fantatra momba ny Kiazen “Toe-tsaina sy hai-tao mapivoatra isan’andro”: I.FANAFOANA NY FANDANINDANIAM-POANA « MUDA » (résumé) Miisa 7 ireo fandanindaniam-poana lehibe ka miteraka tsy fahombiazana sy fihemorana eo amin’ny asa, fiaraha-monina, firenena iray:
- Famokarana mihoapapana ambonin’izay ilaina
- Fiandrasana mihoatra ny tokony hisy : miteraka fidonanam-poana, resaka tsy misy fotony, sns…
- Fivezivezena mihoatra ny tokony atao: tsy misy antony, tsy amin’ny fotoana liana azy
- Fikirakirana asa mihoatra ny tokony hatao: mipasoka ny efa malama
- Fitehirizana vokatra (produits) ateraky ny famokarana mihoapampana
- Asa atao mihoatra ny tokony atao vokatry ny tsy filaminana: mitady zavatra tsy hita, sns…
- Asa efa natomboka nefa tsy maintsy averina indray (na ajanona mihitsy) : noho ny fahadisoana
Ny tsy fahaizana mifehy ireo teboka fito ireo dia miteraka avy hatrany :
- Tsy fahombiazana amin’ny isam-batan’olona
- Fahavoazana eo amin’ny orin’asa (asa atao, na tetik’asa)
- Fihemorana eo amin’ny toe-tsaina (fiaraha-monina)
- FAHANTRANA EO AMIN’NY FIRENENA IRAY
Ny fahantrana dia vokatra ny fitambaran’ireo fandaniam-poana (noho ny tsy fahalalana) ataon’ny isam-batan’olona mivelona amina firenena iray.« Ny fahombiazana dia azo avy amina fampiaharana fitsipika sy rindran-damina tsotra eo amin’ny fiainana, ary ny tsy fahombiazana kosa dia fitambaran’ireo tsy fahombiazana madinika atao isan’andro » : Jim Rohn
II.IREO « S. DIMY na 5S » (résumé)Fitambaran’ireo paikady mahomby entina:
- Manatsara ny tontolon’ny asa: toeram-piasa, olombelona mpiasa, sns…
- Amin’ny alalan’ny:
- Fampihenana ireo fandanim-potoana sy angovo tsy araka ny tokony ho izy,
- Fampihenana ny fitrangan’ireo loza sy fahasamponana ateraky ny asa
- Fanatsarana ny kalitaon’ny vokatra avy amin’ny fomba fiasa
- Fanatsara ny fomba fitantanana sy famokarana
AMIN’NY FOMBA AHOANA?
Fomba tsotra no arahina dia ireto telo ireto:
- Fanatsarana ny tontolon’ny asa + Fanatsarana ny fomba fiasa > Fomba Fitantana araka ny Fenitra kalitao.
Manaraka ireo Soatoavina sy Koltsainan’ny Kalitao sy fanaraham-penitra:
- Culture d’excellence, leadership, culture d’écriture, Attitude positive, PDCA,…
Tsotra ny fampiaharana ny “S Dimy”, kanefa goavana sy ngeza ny fahombiazana eo ami’ny vokatra- Miainga amin’izay eo am-pelatanana sy izay ananana
- Mizotra tsikelikely manaraka ny rivotry ny fiovana
- Anatin’ny fiarahan’ny rehetra mientana